‘n Gemeenskap wat omgee

Misdaad voorkoming en bemagtiging tot eie veiligheid

Ons ontstaan

Outeniqualand Plaaswag is gestig in 2020

Die Plaaswag is gestig in Oktober 2020 nadat die behoefte geidentifiseer is om die groter Sinksabrug area, wat onder die Grootbrak SAPD area val (nou die Oos Sektor), te bemagtig om hulle eie veiligheid te verbeter. Later is die are vergroot en is die Friemersheim omgewing (Wes Sektor) sowel as die Hoogekraal omgewing (Suid Sektor) is geïnkorporeer.

Verskeie projekte is sedertdien reeds suksesvol voltooi soos onder andere die oprigting van netwerk LPR (Licence Plate Recognotion) kameras, die aankoop van ‘n “thermal” hommeltuig en vele ander gemeenskaps projekte. Baie deurbrake is al gemaak in die voorkoming van misdaad en vele misdadigers het al hulle rieme styf geloop en is suksesvol gestop en/of vervolg deurdat die plaaswag inligting kon insamel en SAPD kon bystaan en help.

Wie ons is

Die Outeniqualand gemeenskap bestaan hoofsaaklik uit landbou grond maar sluit ook verskeie ander nedersettings in. Dit strek van informele nedersettings en kleinhoewes tot by groot kommersiële plase.

Dit is ‘n baie wye area en die plaaslike SAPD is te dun gesaai om so ‘n groot gebied te beveilig met die beperkte hulpbronne wat die staat hulle gee. Altyd meer as gewillig om te help en bo verwagting te gaan, staan die gemeenskap hulle met graagte by.

Almal in die gemeenskap kan ook nie bekostig om hulle eie sekuriteit aan te skaf nie en dit is ook nie doeltreffend nie. Saam as gemeenskap kan ons egter ‘n daadwerklike verskil maak in misdaad bekamping.

Hoe om aan te sluit

‘n Paar maklike stappe

Maandelikse Bydrae

Uitgawes wat gedek moet word is as volg:

Maadelikse LPR kamera sagteware (+/- R6000/maand), maandelikse versekering vir kameras, hommeltuig en toerusting, tweerigting radio lisensies, aankope van toerusting om patrollielede onder andere mee toe te rus en onderhoud van kameras.